Most Popular

မူလဆိုက်တွင်ဖတ်ရန် >>>

ဘိသိတ်ဆရာက ဓါးနဲ့ထိုးသတ်​လို့ အငြိမ့်မင်းသမီး ချစ်ချစ်ခင် သေဆုံးသွားပြီ

Image



 မြင်းခြံမြို့နယ်တွင် ဆောင်စံအိမ် အငြိမ့်အဖွဲ့မှ လက်ထောက်မင်းသမီး ဓားဖြင့် ထိုးခံရ၍ သေဆုံး ခဲ့ပြီး ပြစ်မှုကျူးလွန်ခဲ့သည်ဆိုသူ ဘိတ်သိတ်ဆရာကို သက်ဆိုင်ရာက ဇန်နဝါရီ ၉ ရက်၌ဖမ်းဆီးခဲ့သည်။

အဆိုပါနေ့ မွန်းလွဲ ၃ နာရီ ၁၀ မိနစ် အချိန်ခန့်တွင် မြင်းခြံမြို့ ဆန္ဒတော်ပြည့်ဘုရားရှေ့ရှိ ထမင်းဆိုင်၌ ဓားထိုးမှုဖြစ်ပွားကြောင်းသတင်းအရ သက်ဆိုင်ရာက သွားရောက်စစ်ဆေးခဲ့သည်။အဆိုပါနေရာတွင် မြင်းခြံမြို့ ” ဆောင်စံအိမ် ” အငြိမ့်အဖွဲ့မှ လက်ထောက်မင်းသမီး မချစ်ချစ်ခင်(ခ)မဖြူမာသည် ဝဲ/ယာ နို့အုံ အထက်/အောက်တို့၌ ထိုးသွင်းဒဏ်ရာရရှိထားသည်ကိုတွေ့ရသဖြင့် မြင်းခြံဆေးရုံသို့ တင်ပို့ကုသခဲ့သည်။

သက်ဆိုင်ရာက စုံစမ်းခဲ့ရာ ကျောက်ဆည်မြို့၊တံစိုးဂိတ်ရပ်ကွက်နေ ဘိသိတ်ဆရာ မြစံ(ခ)မော်ကွန်းစံ(၂၆)နှစ်က ပွဲငှါးရန်ကိစ္စနှင့်ပတ်သက်၍ ” ဆောင်စံအိမ် ” အငြိမ့်ခေါင်းဆောင်မင်းသမီး မခင်ပုလဲစိန်(ခ)မနွယ်နှင့် မချစ်ချစ်ခင်(ခ)မဖြူမာ၊ မြစံ(ခ)မော်ကွန်းစံတို့ သုံးဦး တွေ့ဆုံကာ စကားပြောဆိုခဲ့ကြောင်း၊

စာချုပ်ကိစ္စပြောဆိုစဉ် မြစံက ၎င်းရှေ့ရှိ ကျောပိုးအိတ်အတွင်းမှအရိုးအသွား(၈)လက်မခွဲခန့်ရှိ အနက်ရောင် ကော်ရိုးတပ်စတီးဓါးဖြင့် မချစ်ချစ်ခင်ကိုထိုးခဲ့ခြင်း ဖြစ်ကြောင်း သိရသည်။

မြစံ(ခ)မော်ကွန်းစံ ကို အခင်းဖြစ်နေရာတွင် ဖမ်းဆီးရမိခဲ့ပြီး ၎င်းကိုစစ်ဆေးချက်အရ လွန်ခဲ့သော ၆ လခန့်က ” ဆောင်စံအိမ် ” အငြိမ့်မှ မင်းသမီးဖြစ်သူ တစ်ဦးနှင့် ချစ်သူဖြစ်စဉ် မချစ်ချစ်ခင်၏ သွေးထိုးမှုကြောင့် ပြတ်စဲခဲ့ရသဖြင့် ယင်းကိစ္စကို အငြိုးထားကာ ဓားဖြင့် ထိုးခဲ့ခြင်းဖြစ်ကြောင်းသိရသည်။

မချစ်ချစ်ခင်(ခ)မဖြူမာမှာ ရရှိသောဒဏ်ရာများဖြင့် ညနေ ၅ နာရီခွဲ အချိန်ခန့်တွင် သေဆုံးခဲ့သည်။ မြင်းခြံမြို့မရဲစခန်းက မူလဖွင့်လှစ်ထားသည့် (ပ)၂၁/၁၉၊ရာဇသတ်ကြီးပုဒ်မ ၃၂၆ မှ ပုဒ်မ ၃၀၂ သို့ပြောင်းလဲကာ အရေးယူထားသည်။

ဖိုးသူတော်(www.phothutaw.com)

Credit:The Myanmar Times Daily Newspaper – Myanmar Version

Tags:
  • ,

Latest Comments

Leave a Comment