ကော်ဖီသောက်တဲ့သူတွေ ဘာကြောင့် ပိုပြီး အောင်မြင်ကြသလဲ

မူလဆိုက်တွင်ဖတ်ရန် >>>



နေ့တစ်နေ့ကို တခြားသူတွေက အိပ်ချင်မူးတူးနဲ့စတင်ပေမယ့် ကော်ဖီကြိုက်နှစ်သက်သူတွေကတော့ ကော်ဖီတစ်ခွက်သောက်လိုက်တာနဲ့ အိပ်ချင်မူးတူးဖြစ်နေတာတွေ ပျောက်ပြီး လန်းဆန်းသွားကြပါတယ်။မနက်ခင်းကို အရသာ ကောင်းမွန်တဲ့ ကော်ဖီလေးနဲ့စတင်လိုက်ရင် ပြီးပြည့်စုံတဲ့ နေ့တစ်နေ့ကို ရရှိမှာပါ။

ရုပ်ပိုင်းဆိုင်ရာအရ ပိုပြီး တက်ကြွ

ကဖိန်းဓာတ်က သွေးကြောထဲကို ၀င်ရောက်လာတဲ့အခါမှာ ဓာတ်ဆီလိုပဲ ခန္ဓာကိုယ်ကို ပိုပြီး တက်ကြွလန်းဆန်းစေပါတယ်။ ဒါကြောင့် gym မဆော့ခင်ဒါမှမဟုတ် အားကစားမလုပ်ခင် ၁ နာရီအလိုလောက်မှာ ကော်ဖီသောက်သင့်ပါတယ်။

ကျန်းမာရေးကို အထောက်အကူဖြစ်

ကော်ဖီသောက်တာဟာ ကျန်းမာရေး အကျိုးကျေးဇူးတွေ ရှိပါတယ်။ ကော်ဖီသောက်တဲ့သူမှာ type 2 ဆီးချိုကို ကာကွယ်ပေးနိုင်ပါတယ်။

ပိုထက်မြက်လာ

ကော်ဖီထဲမှာ ကဖိန်းဓာတ်ပါ၀င်တာကြောင့် ဦးနှောက်စွမ်းအင်ကို ပိုကောင်းစေပြီး ဦးနှောက်လုပ်ဆောင်မှုကို ပိုမိုကောင်းမွန်စေပါတယ်။ ဒါကြောင့် ကော်ဖီက မှတ်ဉာဏ်တွေကို ပိုကောင်းစေသလို တုံ့ ပြန်မှုအားလည်းကောင်းစေပါတယ်။

ဦးနှောက်ကျန်းမာရေးအတွက်ကောင်းမွန်

ကော်ဖီသောက်ပေးတာဟာ ဦးနှောက်ရောဂါတွေဖြစ်တဲ့ အယ်ဇိုင်းမား၊ ပါကင်ဆန် (Parkinson) စတဲ့ရောဂါတွေအတွက် ကောင်းပါတယ်။ ဒီလို ရောဂါတွေကို ကုသနိုင်တဲ့ နည်းလမ်းမရှိသေးပေမယ့် ကော်ဖီသောက်သုံးသူတွေက အယ်ဇိုင်းမားနဲ့ ပါကင်ဆန် (Parkinson) ရောဂါ ဖြစ်ပွားနိုင်ချေ နည်းပါတယ်။

စိတ်ဓာတ်ကျမှုကို ကာကွယ်ပေး

ဟားဗတ် တက္ကသိုလ်ရဲ့ လေ့လာတွေ့ရှိချက်အရ လူတွေက တစ်နေ့ကို ကော်ဖီခွက်တစ်ခွက်ထက်ပိုပြီး သောက်သုံးပါက ကိုယ့်ကိုကို အဆုံးစီရင်မှု ၅၀ ရာခိုင်နှုန်းလျော့နည်းသွားမယ်လို့ ထုတ်ပြန်ခဲ့ပါတယ်။ကော်ဖီသောက်ထားရင် စိတ်ဓာတ်တက်ကြွနေပြီး စိတ်ဓာတ်ကျမှု ၁၀ ရာခိုင်နှုန်းတောင် ရှိတော့မှာမဟုတ်ပါဘူး။

ပျော်ရွှင်စေခြင်း

ဗြိတိန်နိုင်ငံမှာ ပြုလုပ်ခဲ့တဲ့ သုတေသန ရလဒ်အရ ကော်ဖီသောက်သုံးသူတွေဟာ ဘ၀ကို ပျော်ပျော်ရွှင်ရွှင်နဲ့ ဖြတ်သန်းသူတွေဖြစ်တယ်ဆိုတာ တွေ့ရှိခဲ့ရပါတယ်။ စိတ်ဓာတ်ကျမှု နည်းပြီး အလုပ်မှာ တက်တက်ကြွကြွ လုပ်ဆောင်ကြသူတွေဖြစ်ကြပါတယ်။

၀င်ငွေပိုကောင်း

ဗြိတိန်နိုင်ငံမှာ ပြုလုပ်ခဲ့တဲ့ သုတေသနတွေအရ ကော်ဖီသောက်သုံးသူတွေဟာ ပေါင် ၂ထောင်လောက်ပိုရကြတာကိုတွေ့ရတယ်။ အလုပ်မှာ တက်တက်ကြွကြွလုပ်ကိုင်ကြပြီး ရုံးချိန်နောက်ကျတာမျိုးလည်း နည်းတာကိုတွေ့ရပါတယ်။

ပိုအောင်မြင်ကြ

ကော်ဖီတစ်ခွက်သောက်လိုက်ရင် နေ့တစ်နေ့ကို ချက်ခြင်း မောင်းနှင်နိုင်ဖို့စွမ်းအားတွေ ရရှိလာပါတယ်။ သူများတွေ လေးလေးကွေးကွေးနဲ့ နေ့တစ်နေ့ကို စတင်ချိန်မှာ ကော်ဖီသောက်သူတွေက အရှိန်ပြင်းပြင်းနဲ့ တက်တက်ကြွကြွစတင်နိုင်ပါတယ်။

ဒါကြောင့် ကော်ဖီသောက်သူတွေက ပိုပြီးအောင်မြင်ကြပါတယ်။

ဖိုးသူတော် (www.phothutaw.com)

Credit: Myfoodmyanmar

Latest Comments

Leave a Comment